Քանի-որ գարնանային արձակուրդներ են, վերցրեցի իրերս ու ճամփա ընկա իմ գյուղ՝ Բուղաշեն, որը գտնվում է Վրաստանի Հանրապետության Ախալքալակի շրջանում: Ճանապարհին այնքան ձյուն կար, որ կարելի էր խելագարվել: Փորձեցի լուսանկարել Արագած լեռը, բայց մառախուղի պատճառով այն չէր երևում:
Ճանապարհը՝ Վրաստանի սահմանից այնկողմ, շատ վատն էր: Հայրիկս սրտնեղած դիմեց ինձ.
– Արսեն ջան, այս ճանապարհն էլ նկարի, գցիր բլոգ:
– Որ նկարեմ կսարքե՞ն:
– Ոչ, – ասաց հայրս:
– Իսկ դրանից ի՞նչ օգուտ, պա՛պ:
Հայրս լռեց:
Վերջապես հաղթահարելով երկար և դժվարանցանելի ճանապարհը հասանք Ախալքալակ: Ասես նորից ձմեռ էր, ոչ թե գարուն: